Panel-in CBSE hotu tura rawt a hnawl

Prime Minister Narendra Modi-a kaihhruai, Appointments Committee of the Cabinet (ACC) chuan Education Ministry in Central Board of School Education (CBSE) candidate tura a rawt chu a hnawlsak.

Education Ministry hian CBSE hotu atan hian Sarvendra Vikram Bahadur Singh a rawt a, mahse hei hi ACC chuan a pawmsak thei lo a ni.

HRD ministry thupuangtu chuan, "ACC hian CBSE hotu atana Education ministry rawt hi a hnawlsak a, he post hi Central Staffing Scheme hmanga hnawhkhat a tum a ni" a ti.

Singh hi HRD minister hlui, Smriti Irani-in CBSE hotu atana a duh ber niin, kumin kumtir lam khan Education Ministry chuan a hming hi Department of Personnel and Training hnenah a lo thehlut tawh a ni. Mahse tunhnaia cabinet siksawi a nih hnuah Irani-i hi Textile Minister ah dah niin, Education Minister atan Prakash Javadekar dah a ni thung a ni.

CBSE chairman post hi kum 2014, December thla aṭang khan hnawhkhah lohin a la awm a ni.