ASEM Summit hmang turin vice president a zin

Vice President Hamid Ansari chu Mongolia-a 11th Asia-Europe Meeting (ASEM) Summit hmang turin nimin khan a kal.

Ni hnih awh ASEM Summit hi Mongolia khawpui, Ulaanbaatar-ah vawiin aṭang hian neih
ṭan a ni ang. He summit thupui atan hian "20 years of ASEM : Partnership for the Future through Connectivity" tih hman a ni.

ASEM-ah hian member 53 an awm a, Asia leh Europe aṭangin ram 51 leh regional body pa≠hnih - European Union leh ASEAN Secretariat te an tel. Khawvel puma mihring awm aṭanga 62.3% a huam a, global GDP aṭanga 57.2% leh khawvel huap insumdawn tawnna aṭanga 60% zet a huam tel a ni.

Khawmualpui lian pahnih, Asia leh Europe-ten thawhdunna ṭha an neihna atana duan niin, an innghahna pawimawh pathum chu - political dialogue, economic collaboration leh socio-cultural exchange a ni.

Tun ṭum ASEM Summit hi Mongolia ramin a thlen ṭum khatna tur a ni. Vice President hian Mongolia ram a cham chhung hian he summit-a tel ramdang hruaitu ṭhenkhatte a kawm nghal ang.