Degree chungchangah HC-in Delhi Law Minister hriattirna a pe

Delhi High Court chuan Delhi Law Minister, AAP hruaitu Jitender Singh Tomar chu graduation degree diklo hmanga puh chungchangah insawifiah turin hriattirna a pe.

Delhi Assembly in­thlan neih ṭuma Tomar hneh lotu, BJP hruaitu Nand Kishore Gard chuan High Court-ah hian complain thehlutin, Tomar hian advocate-a inziahluhna turin graduation degree dik lo a hmang niin a sawi.

Hemi hma hian Santosh Kumar Sharma chuan High Court-ah petition thehlutin, Tomar hi a in­sawi anga Avadh Universi­ty aṭanga science graduate a nih loh thu a sawi. Mahse a petition thehluh hi Justice Rajiv Shakdher chuan a lo hnawlsak tawh a ni.