MPPEB scam-a inhnamhnawih MP Governor fapa thia hmuh a ni

Madhya Pradesh Governor Ram Naresh Yadav-a fapa, Shailesh Yadav chu Thawhlehni zan khan khan Lucknow-a Governor official residence-ah thia hmuh a ni.

Shailesh hi Madhya Pradesh Professional Exa­mination Board (MPPEB), Vyapam scam tia sawi, thamna sum laa Grade III teacher atana candidate zinga 10-te thun luta puhna­ah a inhnamhnawih nia sawi a ni. He thilah hian Governor pawh in­hnamhnawiha puh a ni a, Special Task Force chuan Governor leh midang 100-te lakah FIR a ziaklut tawh.

Vyapam scam-a in­hnam­hnawiha puh a nihna hi Governor chuan High Court-ah a khing let mek a ni.

Dik lo taka zirtirtu laknaa inhnamhnawiha puh zinga pakhat chuan Governor fapa, Shailesh hian candidate-te hnen aṭangin thamna a la ngei a ni tih a sawi. Investigator-te chuan thu zawhfiah turin Shailesh hi ṭum hnih an ko tawh a, mahse a inlan duh lo a ni.

Shailesh-a thih chhan hi thluaka thisen zam chat nia sawi a ni a, hetihlai hian a pa, Governor Yadav hi thawkna lama harsatna a neih avangin ICU-ah a awm mek bawk.