Goa-ah Navy thlawhtheihna a tla

Indian Navy surveil­lance aircraft chu Thawh­lehni zan khan Goa chhim thlang lamah a tla a, he thlawhtheihnaa chuang officer pahnihte chu an chin hriat a la ni lo.

Dornier maritime surveillance aircraft hi tihdan phung pangngaia training-a thlawk chhuak a ni a, zan dar 11 velah a tla a ni. A tlak hnu hian a zawn hna thawh nghal a ni a, mi pakhat chu dam taka chhanchhuah niin, midang pahnih chu an chin hriat a la ni lo niin Navy thupuangtu Captain D K Sharma chuan a sawi.

Sharma chuan officer an chhanchhuah hian hliam na tak a tuar a, mahse hlauthawnawm erawh a ni lo, a ti. Chetsual thu hriat a nih veleh Navy chief Admiral R K Dhowan chuan Goa-a pan nghal a ni.