Coal scam chungchanga kohna PM hluiin SC-ah a thlen

Prime Minister hlui, Manmohan Singh chuan dik lo taka lungalhtheih laihchhuah phalna pek kaihhnawihah Central Bureau of Investigation (CBI) in thu zawhfiah tura a koh chungchangah Supreme Court-ah a zualko.

Kum 2005-a Aditya Birla group company, Hindalco hnenah Odisha-a Talabira-II coal block pek a nih chungchangah PM hlui hi CBI special court-in a ko a, a ni bakah hian Hindalco Chairman Kumar Mangalam Birla leh Coal Secretary hlui PC Parakh-te pawh ko a ni. Anni pahnih pawh hian court thupek chung­changah hian petition an thehlut bawk.