Rajnath Singh leh Iran Brigadier General Amir Hatami inhmu

Shanghai Cooperation Organisation (SCO) hmanga ram danga zin mek union defence minister Rajnath Singh chuan nimin khan Iran-a Brigadier General Amir Hatami a hmuh thu a sawi a, defence lama ram pahnihte thawhdun dan tur chungchang meeting-ah hian sawi a ni.

Singh hi ni thum chhung Russia-a SCO hmanga a zin hnuah Moscow aṭangin kar liam ta Inrinni khan Iran khawpui Tehran a thleng a ni. Russia-a a cham chhung hian Russia, China leh Central Asia ram hruaitute kawmin, inlaichinna ṭha zawk neih dan turte a sawipui. 

Nimina Iran Brigadier General Amir Hatami a hmuh chungchang hi a twitter lamah Rajnath Singh chuan a tarlang a, boruak muanawm tak hnuaiah an inhmuh theih thu a sawi. 

Hei bakah hian regional security chungchangah Afghanistan ram te pawh an sawi tel thu Singh chuan a sawi a, defence lama India leh Iran an thawhdun dan turte pawh an lang tih Singh chuan a sawi bawk.