India mipui 70% aiin billionaire 63-te sum neih a tam zawk

Charitable organization Oxfam chuan nimina 'Time to Care' report a tihchhuahah, India ram mipui 70% (maktaduai 953)-te aiin, India rama mi hausa tawntaw awm 1% te pawisa neih zat chu a let li zetin a tam zawk tih a tarlang. 

Indian Union budget 2018-19 (Rs 24,42,200 crore) aiin India rama billionaire 63-te pawisa neih belh­khawm chu a tam zawk a, khawvela billionaire 2,153-te hian khawvel mipui 60% (tluklehdingawn 4.6)-te aiin pawisa an neih tam zawk thu Oxfam chuan a tarlang bawk. 

Ramchhunga hmeichhe hnathawk 22,277-te thawhchhuah belhkhawm chuan technology com­pany-a CEO-in kum khata an thawhchhuah zat an pha lo a, hmei­chhia leh hmeichhe naupang tluk­lehdingawn 3.26-te chu hlawh nei loa hna thawka chhawr an nih thu Oxfam chuan a tarlang a ni.