Sorkar-in Agriculture startup fund leh investment portal hawng

Union agriculture minister Shivaji Singh Chouhan chuan Thawhlehni khan lo neitute tana hman ṭangkai tur thil pawimawh pahnih, farm-sector startups fund leh investment portal a hawng. Hei hi prime minister Narendra Modi kaihhruai sorkar term thumnain loneitute hmasawnna tura a hmalakna pakhat a ni.

Startup puihna tura fund siam, AgriSure atan hian Rs vbc 750 dah a ni a, investment portal -Krishi Nivesh Nidhi hi project proposal te rang taka tifel thei tu tur atana duan niin, thlai thar chhuah aṭanga sum lakluh kawnga pui tura duan a nih thu Chouhan hian Delhi-a a tlangzarhnaah hian a sawi. He hunah hi banker, investor leh startup bulṭanna tur siamtute an tel.

Minister hian sorkar hnuai a agriculture hmasawnna atan huan thlai tharchhuah hna thawktute hman tur atana ṭangkai taka thawk bank-te hnenah lawmman a sem nghal bawk. Lawmmna pakhatna hi State Bank of India hnenah pein, pahnihna hi HDFC leh pathumna hi Canara Bank ten an dawng bawk a ni.

"Agriculture sector hi India ram economy-ah hian a pawimawh ber niin, hemi atana a laimu chu loneitute hi an ni. Agriculture hian ramchhung sum dehchhuah GDP-ah hian 16% lai chu a thawh bakah, loneitute chu thawkchhuaktu lian ber an nih rualin a leina kawngah pawh an thawh hlawk hle," tiin Chouhan chuan a sawi. PM Modi chuan loneitute sum lakluh chu a leta a pun theih nana hmalakna tur ṭhuang ruk duan a nih thute a sawi lang bawk.

AgriSure hian lo neih lama bulṭan tumte leh lo neih lam kaihhnawiha thawktute puihna tur atana thlur bing bik thawk tur leh, peng hrang hrang khawih tur bikte chu Alternative Investment Fund kaltlang hian puihna a pe ṭhin dawn a ni.

Union Minister hian agriculture thlak danglam thei tur programme hrang hrang pawh siam a ni tawh tih sawiin, heng zingah hian thlai thar chhuah dahkhawlna tih len leh, thlai tharte hralh chhuah an nih hmaa a chhe ṭhin tih tlemna turte pawh a tel niin a sawi.