UP: Sorkar hnathawkte an thil neih zat kimchang thehlut turin ti

Uttar Pradesh sorkar chuan state chhunga sorkar hnathawkte hnenan an thil neih dan kimchang, khawih chet theih leh khawih chet theih loh pawh thehlut vek tur a a hriattir chu, tam takin an la thehluh loh avangin thla khat dang a pawhsei sak.

Sorkar chuan hnathawktute hi August thla chhunga an thil neih zat leh hlut zawng kimchang thehlut turin ti mah se, hun tiam chhung hian sorkar hnathawk 846,640 zingah 71% chauh in ti tura an ngenna hi an ti hlawhtling thei a, hnathawk 602,075 chauh in an thil neih kimchang hi an theh lut hman a ni. A la thehlut ve hman lote tan thla khat chhung hun a pek belh leh a ni.

Department eng emaw zat - Textiles, Sainik Kalyan(Walfare of Soldiers), Energy, Sport, Agriculture leh Women's Welfare te chuan ṭul leh ngaite an thehlut kim tawh a, department dang heng - Basic Education, Higher Education, Medical Health, Industrial Development leh Revenue te chuan an la theh lut kim lo thung.

Uttar Pradesh sorkar chuan sorkar hnathawkte hian an thil neih zat kimchang hi an thehlut ngei ngei tur a ni tiin, hei hi langtlang taka thil tih leh hlemhletna dona atana ruahman na a nih thu a sawi.