AP : Tuilian tuarte hnenah drone hmangin chhawmdawlna pe

Andhra Pradesh-a Vijayawada hmuna tuilian vanga tangkhang mekte hnenah drone 10 chuang hmangin eitur, damdawi leh tui in turte pek a ni.

Hyderabad-a inkulh, Marut Drones leh Andra Pradesh Drone Corporation te thawhdunnain chhawmdawlna pek hna hi darkar khat chhung in mi 200 hnenah pek a ni. Harsatna tawk mek 5,000 hnenah chhawmdawlna pek theih an in besei. Company chuan mi 25,000 tel puih theih an tum tih an sawi.

Marut Drones co-founder leh CEO, Prem Kumar Vislawath chuan, "Hun khirh tak a thlen laiin kan drone-te hian hmun tlawhpawh harsa zualte chu an thleng thei a ni," tiin an technology chu tuilian tuarte chhawmdawlna pekna atan a hman tlak thu a sawi bawk.

National Disaster Response Force(NDRF) team, Cetral Force, leh district official-te pwhin helicopter hmang hian chhawmdawlna, ei tur leh damdawite an pe bawk a ni. Tuilian tuar zingah mi 43,417 chu rehabilitation centre-ah an awm mek a, chhawmdawl hna hi NDRF leh SDRF team 48 ten thawkin, medical camp 197 siam a ni.