DK Ravi WhatsApp message aṭangin mahni intihlum nia rin a ni

Karnataka IAS officer, DK Ravi thih dan chu chhui chian mek a ni, a WhatsApp message enfiah a nihna aṭangin mahni intihlum a ni mai thei nia ngaihna a awm.

Ravi hian a batchmate hmeichhe pakhat, pasal nei tawh hnenah WhatsApp message eng emaw zat a lo thawn tih hmuhchhuah a ni. Heng a thu thawnah hian a hmeichhia­in a lo ngaihzawn ve loh avang­in thihna piah lama an awm dun theihna turin a nun chu a kalsan dawn tihte a sawi. Vawi tam tak a hmeichhia hnenah hian amah duh tura a ngenna te pawh hmuh tur a awm.

Message pakhatah chuan Ravi hian ama nunna lak a tum thute a sawi lang a, a hmeichhe hnenah hian, "Ka thih thu i hriat hunah chuan lo kalin min rawn hmu ang che," tihte a thawn a ni.

Investigator-te chuan message hi hmuh ni mah se, hemi aṭang ringawt chuan thutlukna siam a ni dawn lo tih an sawi. DR Ravi hi sorkarin a enkawl danah a lung­awi lo tih hriat­na eng emaw zat a awm a, hei bakah hian sand mafia-te nawrna avangin state sorkar chuan a hun hmain a transfer nia sawi a ni bawk.