Vajpayee hnena Bharat Ratna hlan mi tin tan thu lawmawm: Rajnath Singh

Union Home Minister Rajnath Singh chuan Prime Minister hlui Atal Bihari Vajpayee hnena civil mi chawimawina sang, Bharat Ratna hlan a ni chu India mipuite tana thu lawmawm a ni, a ti.

"Political party chauh ni lo, India mi zawng zawng te'n an chhuang a ni. Vajpayee hi Indian politics chauh ni lo, khawvel huapa pawh mi ropui a ni," a ti.

Nimin tlai dar 5 khan President Pranab Mukherjee chuan Vajpayee hi a chenna, Delhi-a Lutyens' ah Bharat Ratna hi a hlan a, a hlanna inkhawmah hian Prime Minister Narendra Modi leh VVIP eng emaw zat an tel.

Bihar Chief Minister NItish Kumar leh Congress hruaitu Sandeep Dikshit-te pawhin PM hlui hnena Bhatna Ratna hlan a ni hi lawmawm an nih thu an lo sawi tawh bawk. West Bengal Chief Minister Mamata Banerjee pwhin Vajpayee hian chawimawina hi a phu a ni tih sawiin, ram hmangaihtu ropui tak a ni, a ti.