Spectrum lilam hun tawp, vbch 109,874 hmu dawn

Sorkar laipuiin telecom spectrum a lilam hun chu Nilani khan a tawp a, lilamna aṭang hian cheng 109,874 hmuh a ni dawn.

Telecom Minister Ravi Shankar Prasad chuan, "Tun ṭuma spectrum lilamna aṭanga sum hmuh tur hi a la san ber ṭum a ni dawn a, kum 2010 khan cheng vaibelchhe 1,06,000 vel hmuh a ni a, hetah hian BSNL leh MTNL aṭanga hmuh cheng vaibelchhe 30,000 a tel. Kuminah erawh chuan BSNL leh MTNL sum pawh a tel lo a ni," a ti.

Spectrum lilam chhangtu hming erawh chu court thupek angin puan­zar a la ni rih lo. DoT-in Supreme Court phalna a hmuh hunah kimchangin a la tichhuak dawn a ni.