Paper putru vangin UPPCS exam titawp

Uttar Pradesh-a provincial civil services preliminary examination (UPPCS) exam paper chu Pathiannia exam ṭan hmain a putru a, Whatsapp message hmangin thehdarh a ni.

Official chuan exam paper a putru tih hriat a nih avangin Chief Minister-in a hrilh angin UPPCS preliminary examination chu cancel nghal a nih thu a sawi. CM hian Chief Secretary, Director of Police leh senior officer dangte koin thil awmdan a sawipui nghal bawk. Nimin vek khan paper putru kaih­hnawihah

Uttar Pradesh Special Task Force chuan mi pathum an man.

PCS paper hi Pathian­nia preliminary exam first shift, chawhma dar 9.30-11.30 inkara neih tur ṭan a nih hmain a putru tih hriat a ni a, STF senior official chuan Lucknow-a Adarsh Bharti Vidyalaya (ABV) College centre aṭanga put nia an hriat thu an sawi.

Mi pathum an mante hi Adarsh Bharti Vidyalaya (ABV) College centre aṭang hian exam ṭan hma darkar khat vel a la awm tiha question paper thla an lak chu Whataspp message hmangin an thawn darh a, reilote chhungin nasa takin a darh hman a ni.

UPPCS exam-ah hian candidate nuai 4.5 an awm a, state chhung hmun hrang hrangah exam centre 917 awmin, Lucknow khawpui bikah hian centre 148 a awm a, candidate 70,000 an awm bawk.