Pandit Madan Mohan Maliviya hnenah Bharat Ratna hlan a ni

India zalenna sualtu, Pandit Madan Mohan Malaviya chu nimin khan civil mite hnena chawimawina sang ber, Bharat Ratna hlan a ni.

Bharat Ratna hi President Pranan Mukherjee-a'n Rashtrapati Bhawan-ah Maliviya chhungte hnenah a hlan.

Maliviya hi kum 1861 khan Prayag (Allahabad) ah a piang, Allahabad District School-ah hun eng emaw chen zirtirtu hna a thawk. Kum 1886-a Calcutta-a Congress session ṭum hnihna neih ṭuma a thusawi avangin politics lamah a invawrh san phah hle. Kum 50 dawn Congress party tan a thawk a, ṭum li Congress President hna hi a thawk hman a, chungte chu kum 1909 (Lahore), 1918 (Delhi), 1930 (Delhi) leh 1932 (Calcutta) te an ni.

Zirna lam chawisan duhtu niin, Malviya hian Banaras Hindu University pawh a din a, social reformer ṭha tak leh Parliament member hlawhtling tak a ni.