V. Mallya manna thupek tihchhuak leh

Sumdawng hausa, leiba ngah avanga talbuai mek, Vijay Mallya manna tur thupek chu 63rd metropolitan magistrate AA Laulkar chuan Inrinni khan a tichhuak leh. Hei hi Mallya laka bail theih loha manna thupek tihchhuah a nih ṭum thumna a ni.

Magistrate chuan Inrinni khan Mallya hi court-a inlan turin a ti a, a inlan loh chuan NBW hi tihchhuah a nih tur thu a sawi. Mallya hi a inlan loh avangin NBW hi a tichhuak ta a ni.

Mallya hian bank hrang hrangah leiba cheng vaibelchhe 9,000 a nei mek. Bank-te hi Supreme Court-ah an zualko hnuah UK lamah a tlanchhia a, tun thlengin a la awm a ni. Sorkar laipui chuan a passport pawh a hnawl sak tawh a ni.