Uttarakand-ah lui a lian

Uttarakhand state-ah ruahsur avangin lui tam zawk chuan hlauhawm chhinchhiatna an pel tawh niin official chuan a sawi.

Sarya, Sharda, Gori leh Bhagirathi luite chuan hlauhawm chhinchhiahna an pel vek twh a, Alaknanda leh Mandakini luite pawh len mai hlauhawmin an awm mek bawk.

Ruahsur nasa avanga chhiatna thlengah mi pasarih an thi tawh a, Pathianni khan Haridwar-ah tuilianin mi pathum a len.

Disaster Management Cell chuan ruahsur vang hian Chaar Dham Yatra hmanga kal, mi 900 chuang chu hmun hrang hrangah an tangkhang mek niin a tarlang bawk. Hmun tam takah kawng a min a, kawng min vang hian motor tam tak a dang a ni.

Uttarkashi-a Yamuna valley leh state khawpui, Dehradun inkalpawhna pawha chhia a, hei vang hian mi nuai li velin harsatna an tawk mek a ni. Haridwar-Dehradun inkar rel kawng pawh lungin a hnawh bawk.

Kumaon division huam chhungah in eng emaw zat a chhia a, mahse nunna chan erawh an awm hriat a ni lo.