Kashmir-ah nawrh huaihawtten MLA motor an bei

Kashmir Valley-a nawrh huaihawtten nimin zing khan rorellai, PDP MLA Mohamma Khalil Bandh-a car an bei avangin a chesual a, MLA hian hliam a tuar.

Pulwama MLA, Bandh hi Srinagar pana a tlan laiin, zing dar 1 vel khan mipuite chuan a chuanna car hi lungin an tawng a, driver hian mipui pungkhawmte tlanchhiatsan a tum laiin motor hi chesualin a let ta a ni. MLA hian hliam a tawrh avangin Army hospital-ah hruai nghal a ni.

Pulwama Deputy Co-mmissioner, Munirul Islam chuan Bandh hi a ngaih-tuahawm lo niin a sawi.

July 8-a Hizbul Muja-hideen firfiak, Burhan Wani thah a nih avanga mipuiten lungawi loh-na lantira nawrh an huai-hawtnaah PDP polici-tian-ten beih an tawk fo a ni. Security force leh mipuite inkara buaina chhuak vang hian mi 40 chuang an thi tawh a, mi 2,000 velin hliam an tuar. An zing eng emaw zat chu an mit a del phah mai thei nia sawi a ni bawk.

Sorkar laipui chuan Kashmir Valley-a venhim hna thawk turin Pathianni khan CRPF 2,000 a tirh belh a, kar hmasa khan state police-te pui turin 2,800 a lo tir tawh bawk. Jammu and Kashmir-ah hian CRPT hi battalion 60 vel dah sa an ni.