Flight cancel man Airlines-ten chawi dawn

Aviaton regulator, DGCA-in inkaihhruaina a tihchhuah, Airlines-in flight a cancel/delay emaw, passenger chuang tur a phal lo emaw a nih chuan zángnadawmna an pek a ngai tawh dawn. He dan thar hi August 1 aṭangin hman ṭan a ni ang.

Compensation pekna dan siamṭhatah hian, Airlines chuan flight a cancel emaw, darkar hnih chuanga a tikhawtlai a nih chuan a chuang turte hnenah zángnadawmna Rs 10,000 thleng a pek a ngai dawn a, passenger luhtir phal loh a nei a nih chuan Rs 20,000 thleng a chawi thei bawk ang. Dan hman lai mekah chuan Airlines-te hian thlawhtheihnaa luh tir phal loh emaw, fligh cancel emaw a nih chuan Rs 4,000 chin chauh an chawi a ni.

DGCA dan tharah chuan Airlines-te chuan fligh cancel/delay a nih chuan a chuang turte block hour darka khat chinah an hriattir lawk loh a nih chuan zángnadawmna hi Rs 5,000 emaw, one-way fare plus fuel charge zat emaw, a tlem zawk zawk an pek bakah ticket an refund sak bawk ang. Block hour darkar hnih thleng chu Rs 7,500 emaw, one-way fare plus fuel charge emaw pein, ticket refund sak an ni bawk ang. Darkar hnih chuang chin chu Rs 10,000 emaw, one-way fare plus fuel charge emaw, a tlem zawk zawk an pek bakah ticket refund sak an ni dawn bawk a ni. Block hour hi thlawhtheihnain departure gate aṭanga arrival gate a thlen hun sawina a ni, hei hi airline-te on-time performance (OTP) tehna atana hman a ni.