Smart Cities Mission hnuaia project 90% zo fel tawh: Urban Affairs Ministry

Khawpui hmuna nunphung leh khawsak phungin hma a sawn theihna tur atana duan, Smart Cities Mission(SMC) hnuaia project 90% chu thawh zawh a ni tawh niin Urban Affairs Ministry chuan a tarlang.

Project la zawh fel loh 10% la awmte chu dan leh thupek lama harsatna awm vang te a tihkhawtlai rih a ni a, a chhan hrang hrang an sawi zingah hian department hrang hrang aṭanga clearance pek chhuah tlai vang te, ram hman tur chungchang harsatna awm te, hmun awih laia hnathawh a ngaih vang te, hnathawhna hmanrua hrang hrang lakluh a harsat vang te niin Ministry of Housing and Urban affairs chuan a sawi.

SCM hi June 25, 2015 khan kalpui ṭan niin, a tum ber chu khawpui 100 thlan chhuah hnena nunphung awlsam zawk leh changkang zawk siam a ni. Khawpui thlan chhuahah hian service mumal tak leh hmanrua changtlung leh ṭha bakah sustainable environment te siam chu a tum ber niin, state sorkar leh Parliament member eng emaw zatin a hna thawh hun chhung turte chu pawt sei tura an ngenna angin March 31, 2025 ah Project hnuaia hna hi zawh hman tura pawhsei a ni.

Smart City atana khawpui 100 thlan chhuah zingah hian khawpui 17-ah project hi 100% zawhfel tawh a ni a, khawpui 75-ah project 75% chu zawh tawh niin khawpui dang 34 ah hian 90% ai a tam mah project hi zawhfel a nih thu senior Official Urban Affairs ministry chuan a sawi.

Smart Cities hnuaia hna thawhna tur hian sorkar laipui aṭanga sum pek chhuah tura duan hi Rs vbc 48,000 niin, hemi aṭang hian sorkar chaun Rs vbc 46,787 chu SMC hnuaia Smart Cities tura thlan khawpui 100 a hna athawhna atan hian a pe chhuak tawh a ni.