Doctor-te himna tura hma lak dan September 10 hmaa report turin ti

Sorkar laipui chuan State leh Union Territories-te hnenah doctor leh healthcare hna thawktute himna tura duan hrang hranga hma a lak nghal dan report chu September 10 ral hmaa thehlut turin a ti.

Union health secretary Apurva Chandra chuan state tin chief secretary leh Director General of Police (DGP) te hnenah doctor leh healthcare worker-te himna atana hmalakna tur hrang hrang 11-te a thawn a ni. Hmalakna tura a tih zingah hian inrelbawlna him lo zawnchhuah te, hmun him lo lai nia langa venhimna siam, CCTV dah belh, tualchhung Police nen a thawh ho leh damdawiin huam chhunga hmun him lo lai duty tur ex-servicemen rawih te a tel.

Secretary chuan damdawi-in inrelbawlnaah hian security committee din te, security audit neih te bakah damdawi-in pana in entirte pui tu tur rawih te, help desk-ah trained manpower dah te, doctor leh healtcare hnathawkte hnenah thihna thleng chungchangah a hmachhawn dan tura inzirtir na mumal siam tura rawtna pawh a pe tel a ni.

August 22 khan Supreme Court chuan sorkar laipui chu state tin secretary leh DGP te meeting neihpui a, an hnathawhna hmuna doctor te himna chungchangte sawipui turin a ti a ni. Court hian August 9-a Kolkata hospital-a doctor zirlai hmeichhe pakhat, rawng taka pawngsual leh thah a nih avanga resident leh junior doctor-ten tiam chin awm loa ram pum huapa nawrh an huaihawt hnuah sorkar laipui hi a hriattir a ni. August 28 khan sorkar laipui chuan state leh UT aiawhte hi meeting neihpui in, hmalakna tur hrang hrang 11-te chu a hrilh a, report hi September 10 hmaa report hi thehlut turin a ti a ni.