Maharashtra-a Shivaji lim chhe leh ta siamtu Jaydeep Apte man

Maharashtra police-te chuan thla hmasaa Chhatrapati Shivaji Maharaj lim tluchhia siamtu, sculptor-contractor Jaydeep Apte chu Thane district-a Kalyan-ah an man.

Kalyan khuaa cheng kum 24 mi sculptor Jaydeep Apte hi Chhatrapati Shivaji Maharaj lim a chim aṭang khan ni 10 vel chu a bibo a ni. Feet 35-a sang, Shivaji lim hi December 4, 2023 khan hawn a ni a, hawn aṭanga thla 8 liam awrh August 26 khan a tlu chhe leh nghal a ni.

Jaydeep Apte hi Kalyan-a inkhuar art company neitu niin hetiang milim lian tham siam tur hian hnuhma a la neih loh bakah, Shivaji Maharaj lim siam naah hian a bultumtu a ni.

Maharashtra Congress chuan he lim siam nan hian Rs vbc 1.5 chauh hman a nih laiin, state treasury chuan he lim siamna tur hian Rs vbc 236 lai chu a pek chhuah thu an sawi.