Gujarat assembly-ah anti-terror bill pass

Gujarat sorkar chuan anti-terror bill siam tura President pawmpuina ṭum thum zet a dilna a hlawhchham hnuah, nimin khan Assembly-ah Gujarat Control of Organised Crime (GUJCOC) Bill a pass leh.

Chief Minister Anan­diben Patel kaihhruai sorkar chuan bill hi As­sembly-ah pharin, mem­ber tam zawkin an thlawp a ni. Hetihlai hian eptu pawl, Congess party chuan sorkarin bill a pharh hi a hmaa mi ang tho, danglamna awm lo a ni, tiin an pawm loh thu an sawi.

GUJCOC bill hi Maharashtra Control of Organised Crime Act (MCOCA) zulzuia siam a ni a, kum 2004 leh 2008 khan khatih laia president AJP Abdul Kalam leh Pratibha Patil-te chuan siamṭhat a ngai tiin an lo hnawlsak tawh a ni. A ṭum thumna atan assembly-ah pass ni leh mah se, President pawmpuina an lak leh a ngai dawn a ni.