Yemen aṭangin India mite hruai haw an ni

Tualchhung indo thlen mekna, Yemen ram aṭangin India mite hruai haw ṭan an ni.

Thawhṭanni khan mi 180 chuan theihna Airbus chu Delhi aṭangin Yemen khawpui, Sanaa ah tirh a ni. India mite hruai haw tur hian Sanaa khawpui chhungah nikhatah darkar thum thlawh phalna pek an ni.

External Affairs Miniser Sushma Swaraj chuan Yemen thuneitute hnen aṭanga Sanaa thlawh luh phalna hmuh a nih thu hi a sawi a, Airbus bakah hian mi 1,500 phur thei tur lawnglian pawh tirh tum mek a ni, a ti. Ministry chuan Yemen rama India mite dinhmun ngaihven tur hian 24 hour Control Room a siam tawh bawk.

Yemen ramah hian India mi 3,500 vel an awm a, an zinga a tam zawk hi nurse an ni a, province hrang hrangah awmin inbeihna thlen mekna, Sanaa-ah pawh tam tak an awm.