SC-in HC Judge atana ruat tur ngaihtuah ṭha turin ti

Supreme Court chuan nimin khan Himachal Pradesh High Court collegium hnenah district and session judge senior pahnihte chu High Court judge-a hlankai tura ngaihtuah ṭha leh turin a ti.

Himachal Pradesh-a distict judge senior pahnihte chu High Court collegium hian judge atana hlankaina turah, an merit leh seniority chu a ngaihthah sak nia sawiin, Supreme Court-ah hian petition an thehlut a ni.

Nimin khan he petition hi justice Hrishikesh Roy leh justice Prashant Kumar Mishra awmna bench chuan ngaihtuahin, hriattirna hi a siam nghal a ni.

Supreme Court chuan HC chief justice chuan ama mimal duhdan angin rawtna hi a siam ngawt thei lo a, high court collegium chauhin an rawt tur a ni, a ti.

High Court judge tana hlankai tur chungchang collegium member-te inrawnkhawm leh sawihona engmah a awm lo a ni, a ti. Hei vang hian Supreme Court collegium-in January 4-a thutlukna a lo siam tawh zulzuiin.

High Court collegium chuan high court judge tana hlankai turin Chirag Bhanu Singh leh Arvind Malhotra te hming chu a ngaihtuah ṭhat leh a ngai a ni, tiin a tarlang.