RG Kar Principal hlui Sandip Ghosh dilna hnawl sak

Supreme Court chuan September 6, Zirtawpni khan Kolkata-a RG Kar Principal hlui Sandip Ghosh-a'n eiruk thubuai an ziah luh sak ngaihtuah nawn tura dilna a thlen chu a hnawlsak.

Sandip Ghosh hian court sang bera ngenna a thlenah hian Calcutta High Court-in ama dinhmunte chhui chiang hmasa lo a CBI kuta eiruk thubuaia chhuichiang tura a tih nghal rum rum thu a sawi a, hei hi ngaihtuah nawn leh turin a dil a ni.

Dilna a thlenah hian Ghosh chuan High Court thutlukna chu awnlam nei a nih bakah, a chungthuah hian thu laila taka hearing an neih loh thu te a tarlang.

Mahse chief justice of India, DY Chandhrachud ṭhut na, judge pathum awmna bench chuan a ngenna hi a pawmsak duh loh avang hian High Court in thu a lo tih tluk tawh angin, CBI chuan Ghosh hi an chhui zui dawn ta tho a ni.

CBI hian tunkar tir lam khan Ghosh leh mi dang pathumte chu a lo man tawh a, a hna aṭangin suspend a ni zui bawk.