SC-in Jat zirlaite ngenna a hnawl

Supreme Court chuan Jat hnam zirlaite'n post graduate medical leh dental course-a reservation pe tura an ngenna chu a hnawlsak. Hemi hma hian SC chuan Jat hnam OBC category-a dahna chu a lo hnawlsak tawh bawk a ni.

Supreme Court chuan All India counselling laiin Jat zirlaite chu OBC anga ngaih an ni a, mahse hei hi hman chhunzawm theih a ni lo tiin Jat reservation bill hnawlna a tichhuak tawh a ni.

Kum 2014 khan sorkar hmasa, UPA sorkar chuan Jats hnam tana reservation pekna tur hi a lo puang tawh a, hei hi NDA sorkar pawhin a thlawp zui bawk.

Mahse reservation pek an nih chungchanga petition thehluh a ni a, Jats hnam chu khawtlang dinhmun leh an nunphungah pawh hnam hnufual an ni lo tih an sawi a, reservation pek chhunzawm zel an nih chhan pawh inthlan kaihhnawih thil mai niin an sawi.