Bengal nun pawngsualtua rinhlelh Bangladesh mi pali man an ni
March 14-a West Bengal-a senior nun pawngsual rawntu zinga mi nia hriat, mi pali chu Ludhiana Police-te'n Chandigarh-ah an man. Hemi hma hian West Bengal police-te chuan Mumbai leh Delhi-ah mi pahnih an lo man tawh bawk.
Bengal police-te chuan pawikhawihnaa inhnmahnawihte thlalak hi ramchhung hmun hrang hrangah an thawndarh a ni.
Ludhiana ADCP (crime) Mukhwinder Singh chuan mi palite chu pawngsual ṭum hnih thlengah man tuma zawn mek an ni tih a sawi a, hei bakah rukruk leh ramdang pawisa hmanga mipuite bum leh, dan loa ramdang pawisa thawnkualah a puh bawk.
Mi pali an mante hi Bangladesh mi, dan loa India rama rawn lutte an ni a, an vai hian kum 30 an la tling lo vek a ni.
Police-te chuan heng mi palite hian Chandigarh-ah hian in chhawng hniha sang an luah a, state hrang hrangah an zin chhuak ṭhin niin an sawi.