Youth Congress-in Minister Giriraj lakah FIR a thehlut

Union Minister Giriraj Singh-a'n Congress President Sonia Gandhi chu mingo a nih avanga Congress-in an party president atana pawm thei chauh ni mai anga a sawi avangin Youth Congress Kanpur unit chuan minister lakah hian FIR an thehlut.

BJP hruaitu, union minister Giriraj Singh hian Hajipur, Bihar-a thu a sawiah, Sonia Gandhi chu mingo a nih avanga Congress party hotu lu ni thei niin a sawi a, "Rajiv Gandhi khan Nigeria mi nupuiah lo nei ni se, thil hi a danglam ngei ang," tiin a sawi.

Congress Party bakah political party dang hruaitute pawhin Giriraj Singh thusawi hi an dem thu an sawilang tawh a, Congress chuan minister thusawi vang hian Prime Minister Narendra Modi chu thupha chawi turin an phut. Delhi unit chuan minister chenna in kawtah pungkhawmin lungawi lohna an lantir tawh a ni.

Nigerian High Commission to India, O.B.Okongor pawhin BJP thusawi dan chu an lawm lo hle tih a sawilang bawk.

Giriraj Singh chuan a thusawi chu media lamin a thusawi chu an la kawi niin a sawi a, "Media lamin ka thusawi an puanzar dan hi a dik lo a ni. Mi tupawhin in ah emaw, pawn lamah emaw thil hrang hrang kan sawi fo a, mahse kan puanzar dan erawh a dang leh daih a ni. Ka thusawi avanga Sonia Gandhi leh Rahul Gandhi bakah midang rilru tihnat ka nei anih chuan a pawi ka ti hle," a ti.