Kejriwal-a'n land bill duh lohna kawngzawh a ho dawn

Delhi Chief Minister Arvind Kejriwal-a chuan April 22-a Prime Minister Narendra Modi-a kaihhruai sorkarin land bill a siam danglam duh lohna lantirna kawngzawh huaihawt tur chu a ho dawn.

April 22 hian Jantar Mantar aṭanga Parliament thlengin AAP convenor ho hian MLA leh party member-te'n kawng an zawh dawn a ni. Hemi hma hian Kejriwal chuan social activist, Anna Hazare-a'n land bill duh lohna lantira nawrh a huaihawt ṭumin a lo zawm tawh bawk.

Congress party pawhin AAP hma hian land bill duh lohna lantira kawng zawh hi huaihawt a tum a, he hunah hian party President Sonia Gandhi bakah, hun eng emaw chen chawlh laa inkhung bo, vice president Rahul Gandhi te pawh an tel dawn a ni.