Bengaluru-ah BJP National Executive meet nei

BJP National Executive Meet, ni hnih awh tur chu nimin khan Bengaluru-ah ṭan a ni a, meet ṭan ni hian Prime Minister Narendra Modi, Party President Amit Shah, union minister te leh state chief minister eng emaw zat an tel.

Meeting-ah hian chhim lam state bakah Assam, West Bengal leh Odisha-ah an party tihchak dan turte an rel ang. Tun ṭum meeting hi kum 2014 Lok Sabha inthlanpuia hneh taka thlan tlin an nih hnua national council meeting an neih hmasak ber a ni.

BJP President Amit Shah chuan thu sawiin, an party kaihhruai sorkar hnuaiah ram economy in hma a sawn a, hmasawnna turin hma an lak zel thu a sawi. Meeting-ah hian eptu party hrang hrang bakah, NDA hnuaia an thawhpui party ṭhenkhatin an dodal, land bill siam danglam chungchang pawh an sawi ho ang.

PM Modi pawhin thu sawiin, sorkar, party worker leh mipuite inzawmna ṭha siam a pawimawh thu leh, BJP chu mi thiltitheite party ah an siam tur a ni lo, a ti. Mipuite nen inpawhna ṭha zawk siam a nih theihna atana policy hrang hrang, Jan Dhan Yojana, Swachh Bharat mission leh 'Beti Bachao Andolan' siam a nih dante a sawilang bawk.