J&K-ah vur tawlhin sipai pathum a chhilh hlum

Jammu and Kashmir-a Ladakh bialah vur tawlh nasa takin sipai motor a chhilh a, sipai pathum an thi a, chin hriat lohin pakhat a awm.

Army northern headquarter thupuangtu, Colonel SD Goswami chuan sipai pathumte ruang hi vurin a chhilhna aṭang hian lak­chhuah an ni tawh a, pakhat erawh chu a awmna chin an hre thei lo a, a thi tawh ngei nia an rin thu a sawi.

Kar kalta Zirtawpni khan vur tawlh hian Changla-ah sipai motor a lo chhilh tawh bawk a, sipai pathum an thih bakah midang pahnihin hliam an tuar.