RJD worker-te'n Manjhi pangpar awrh tir vangin mi lim an silfai

Bihar politics-ah chi inthliarna lam thil a thleng a, Chief Minister hlui, Dalit hnam Jitan Ram Manjhi-a'n Supaul district-a zalenna sualtu, Ram Manohan Lohia lim chu pangpar ṭhi a awrh tir hnuah, Rashtriya Janata Dal worker-te chuan mi lim tihthianghlim nan an silfai zui nghal a ni.

Janata Dal United chuan RJD thiltih dan chu nasa takin an sawisel a, "Ram Manohar Lohia chu mipui hruaitu a ni a, tupawhin a lim chu pangpar ṭhi an awrhtir thei a ni," an ti.

Manjhi pawhin RJD thiltih dan chu a dem thu a sawi bawk. Manjhi hi Bihar-a Maha-Dalit hnam hruaitu a ni.

BJP pawhin RJD chu bei let nghalin, "He thil thleng hian Dalit hnam laka an rilru puthmang an lantir a ni," tiin party thupuangtu GVL Narasimha Rao chuan a sawi.

Manjhi hi JDU-in CM a nihna aṭanga bang tura a ngenna a pawm duh loh avangin party aṭang hian hnawhchhuah a ni tawh a, tunah hian Bihar Assembly-ah party bik nei loin a awm mek a ni.