Telangana-ah firfiak nia hriat mi panga kaphlum

Telangana police-te chuan nimin khan firfiak nia hriat mi panga an kap­hlum a, an zingah hian SIMI activist Vikaruddin Ahmed pawh a tel.

Firfiak nia hriatte hi Warangal district aṭangin Hyderabad-ah court hearing neihpui tura hruai an ni. Mahse kawng lakah anmahni hruaitute hi beiin tlanchhuah an tum a, police-te chuan an kap zui ta a ni.

Police-te'n an kahhlum zinga mi, Vikaruddin leh a thurualpui pangate hi kum 2010-a Hyderabad-a ṭum eng emaw zat police-te bei a, police pahnih kaphlumtute an ni a, Warangal Central Jail-a tang an ni.

Kar kalta Inrinni khan Nalgonda district-ah Students Islamic Movement of India (SIMI) helpawl lakah beihpui thlak a ni bawk a, helho leh police-te inbeihnaah hian police pakhat a thi a ni.