EC-in by-election neih hun tur a puang State pali-ah by-election neih a ni dawn rih lo
Election Commission of India chuan nimin khan by-election neih hun tur a puang a, hemi rual hian by-election neih ngaihna zinga state pali, Assam, Kerala, Tamil Nadu leh West Bengal-ah erawh chuan inthlan neih a ni dawn rih lo tih a sawi.
Thuchhuah a siamah, ECI chuan heng state palia chief secretary leh chief electoral officer-te report an dawnah inthlan buaipui hi a la harsa dawn nia an sawi avangin by-election neih tur zingah hian telh an ni ve rih lo tih a tarlang.
Commission chuan Bihar-a Parliamentary constituency pakhat leh Manipur-a assembly constituency pahnihah by-election hi November 7-ah neih a ni dawn tih sawiin, Chhattisgarh, Gujarat, Jharkhand, Karnataka, MP, Nagaland, Odisha, Telangana leh UP-a assembly constituency 54-ah inthlan hi November 3-ah neih a ni thung ang. Vote tlate hi November 10-ah chhiarin result puan nghal a ni ang.