Mamata-i hoin Kolkata-ah kawng zawh

West Bengal Chief Minister leh Trinamool Congress hotu, Mamata Banerjee-i hoin nimin khan Kolkata-ah BJP kaihhruai NDA sor­karin Land Acquisition Bill a siam danglam duh lohna lantira kawng zawh a ni.

CM ho hian Mouali aṭangin kawng hi an zawh ṭan a, TMC worker sang tel chuan badge dum an bel a, puan dumin an kâ an tuam bawk.

TMC hian NDA sor­kar­in land bill a siam dang­lam chu a theih ang angin dodal zel a tum thu a lo sawi tawh a ni. Land bill siam danglamna hi eptu pawl hrang hrang bakah, NDA hnuaia BJP thawhpui party ṭhenkhat pawhin an sawisel nasa hle.