AAP supporter-in party logo neitu nihna pekir turin a phut
Delhi-a rorellai, Aam Aadmi Party (AAP) volunteer, Sunil Lal chuan AAP logo chu a design a ni tih sawin, party chu he logo hi hmang chhunzawm tawh lo a, a hnenah a neitu nihna pekir leh turin a phut.
Hemi hma hian software enginner, Kundan Sharman chuan kum 2013 January thlaa AAP hotu, Arvind Kejriwal tana a WagonR pawl a pek chu pe kir leh turin a lo phut tawh bawk.
Sharma hian a car pek hi pekkir a phut thu a sawi hnuah a twitter-ah a motor anga inpekkir tak tak a phut loh tih a sawi leh a, party hotu Kejirwal leh hruaitu dangte'n an ngaihsak phutna atana ti a nih thu a sawi. Sharma chuan an party chhunga buaina awm mek chuan a rilru a tina hle tih sawiin, party kalphung leh Kejriwal-a laka lungawi lo, Prashant Bhushan leh Yogendra Yadav-te ban an ni chuan a ti lawm lo hle tih a sawi.
"Party Lokpal in a chhui hmaa Yadav leh Bhushan-te ban an nih chhan hi ka hre duh a ni. AAP hian Delhi-ah sorkarna hi siam lo se tih hi kei pawhin ka duh a ni," a ti.
WagonR car hi Kejriwal-a Delhi Chief Minister a nih hmasak ṭum khan mipuite chief minister a nihzia lantirna atana a pek a ni. Ni 49 sorkar an siam chhung khan Kejriwal hian he motor hi veivahna atan a hmang ber a, a hnuah Haryana-a AAP hruaitu Naveen Jaihind-a hnenah pein a ni hian Rohtak-ah Lok Sabha inthlan dawn khan campaign-na atan a hmang zui ve leh a ni.