HAL leh Defence Ministry-in Rs vbc 26,000 hu contract ziak

Defence Ministry chuan Hindustan Aeronautics Limited (HAL) chu Su-30 MKI aircraft tana AL-31FP Aero Engines 240 siamna turin Rs vbc 26,000 hu contract-a ziahpui.

He contract hi September 9, 2024 khan Defence Ministry leh HAL official-ten new Delhi-ah an tifel a ni. Kar liam ta khan Cabinet Committee chuan contract siam hi a lo phalsak tawh. Engine siam turah hian a part zinga 54% chuang chu India ram chhunga siam a ni dawn a, HAL Koraput division-ah siam a ni ang.

Thuchhuah an siamah, contract-a an tarlan angin HAL hian kumtin aero-engines 30 zel supply in, engine 240-te hi kum riat chhungin an supply kim thei dawn tih an tarlang.

He khawl siam a nih chhung hian HAL chuan ramchhung defence ecosystem a hmang dawn a, heng zingah hian micro, industry te leh lian, mimal leh vantlang thil te an tel. An pek chhuah kim hunah chuan HAL hian an thil siam ṭhina ram chhunga siam chhuah hmanrua an hman 54% chu 63% velah pun chhoh tir an tum bawk a ni. "Tualchhunga industry te nen engine-a part 1,000 dawn chu siam kan tum dawn a ni. Hei hian kan rama engine ecosystem pawh a chawikang thei bawk ang," tiin Chairman and Managing Director (additional charge), Dr D.K. Sunil chuan a sawi.