R G Kar thuneituten doctor leh staff 51 hnenah hriattirna pe

Kolkata-a R G Kar Medical College thuneitute chuan doctor, house staff leh intern mi 51 te chu midangte tihṭhaih zawnga cheah puh in, vawiinah enquiry committee hmaa inlan turin a hriattir.

Medical College hotute chuan mi 51 te hi campus-ah kal an khap bakah, college thiltihnaah pawh an tel a phalsak lo. Hriattirna an pek doctor zinga a tam zawk hi R G Kar Medical College principal hlui, Sandip Ghosh nena inpawh ṭha tak takte an ni.

September 9-a Sepcial Council Meeting-ah he thutlukna hi siam a ni a, committee hmaa inlan tura koh zingah hian senior resident doctor pahnih, medical research scientist pakhat, house staff 20, interns 11 leh MBBS zirlaite an tel.

Heng an mi kohte hian junior doctor, zirlai leh house staff-te an vauin an tihṭhaih ṭhin nia sawiin complaint thehluh a ni a, principal hlui nena inpawh ṭha tak takte niin, campus chhungah an inluling thei hle nia sawi a ni.