Kum 5 chhungin Cyber Commando 5,000 peih hman dawn - Amit Shah

Union home minister Amit Shah chuan ram a ṭhan zelna turah cyber security changtlung tak a awm a ṭul thu sawiin, cyber security chu ram pum himna atan a pawimawh hle a ni, a ti.

September 10-a I4C (Indian Cyber Crime Coordination Centre) din champha hmasa ber puala thu a sawiah Amit Shah chuan, "Cyber commando 5,000 chuang chu kum nga chhungin an awm hman dawn a, heng commando-te hian cyber hmanga beihna thleng ṭhinte chu rang takin an lo hmachhawn dawn a ni, tiin a sawi.

Union Home Minister chuan 'suspect register' a hawng nghal bawk. Hei hi cyber leh online hmanga in bumna hrang hrang kalpuite leh, sum tih chingpen naa in hnamhnawihte hmun khata dahna tura ruahman a ni. Hei hi State, Union teritory, central investigation leh intelligence agencies ten awlsam taka an hman theih tura duan a ni a, an chhinchhiahte hi National Cybercrime Reporting Portal(NCRP) record behchhana siam niin, bank leh financial intermidiaries te nena thawk hovin sum chevel enkawlnaa inbumna awm thei te venna tur atan tih a ni bawk.

Amit Shah chuan," State leh UnionTerritory ten mahni bil chauh a venhimna an neih hian cyber hmanga pawikhawih ṭhinte beihletna kawngah a pui lo a, hei vang hian mi zawng zawng hman theih pawikhawihtu te chhinchhiahna hi hman theih a chhawpchhuah a ni a, hemi kawngah hian hlawkna tel tu zawng zawng te chu pawikhawihtu te inlungrual taka hmachhawn a tul a ni, " tiin a sawi.