LoC-a inkahhai puan Pakistan sipaiten bawh chhia

Pakistan sipaite chuan Line of Control (LoC)-a inkahhai puan chu bawhchhiain, nimin zing khan Akhnoo area-a Indian post an kap a, Border Security Force (BSF) sipai pakhatin hliam a tuar tih official-ten a n sawi. BSF lam pawhin rang taka chhangin an kap let ve nghal a, Pakistan lamah hliam tuar an awm leh awm loh erawh an hrethei rih lo.

Ramri venhimna hna thawktu, BSF thupuangtuin a tarlan danin, zing lam dar 2:35 bawr vel khan in kahna hi thlengin, Akhnoor huam chhung ramri bulah a nih thu a tarlang. Sipai te chu inralring renga an awm bakah , international Border leh Line of Control huam chhungah venhimhna hi khauh taka neih mek a ni, a ti.

India leh Pakistan in February 25,2021-a LoC a inkahhai puanna an siam thar leh hnuah, ram pahnihte inkarah hian inkahhai thuthlung bawhchhiatna hi a thleng khat tawh hle. BSF sipai pakhat chuan nikuma Pakistan Ranger te nena Ramnagarh sector-a an inkahnaah nunna chanin, hei hi kum thum hnua nunna chan an awm leh na hmasa ber a ni.

Jammu and Kashmir hi Assembly inthlan chhawng thuma neih turin a inbuatsaih mek a, a thawh khatna hi September 18-ah neih tur niin, a thawh hnihna September 25 leh a thawh thumna hi October 1-ah neih a ni ang. Inthlang tura an inbuatsaih mek karah ramria inkahhai thuthlung bawhchhiat avangin inkahna hi a rawn thleng leh ta a ni.