Cabinet-in tlawhpawh loh hmuna kawng siamna tur pawm

Union cabinet chuan Nilainia an ṭhutkhawmah Department of Rural Development-in 2024-25 aṭang 2028-29 chhunga Pradhan Mantri Gram Sadak Yojana-IV thawhna tura rawtna a thehluh chu an pawm.

Official thuchhuah chuan, mihring chenna hmun 25,000 kawngin a paltlang mumal loh kal pawhna turin kawng km 63,000 a thui leh, heng kawng thar siama lei dawh leh chei ṭhatna sum pek a ni dawn tih a tarlang.

Financial year 2024-25 aṭanga 2028-29 chhung thawh tura duan, Pradhan Mantri Gram Sadak Yojana-IV (PMGSY-IV) atan hian Rs vbc 70,125 ruahman a ni a, hemi aṭang hian sorkar laipui chuan Rs vbc 49,087.50 tumin, state sorkarin Rs vbc 21,037.50 an tum ve thung ang.

He scheme hnuaiah hian 2011 census behchhanin, mihring chenna hmun kawngin a paltlang mumal loh 25,000 ah hna hi thawh a ni dawn a, heng zinga 500 hi phaizawla awm niin, hmarchhak leh tlangram state dang, UT leh special category area-ah hmun 250, Left Wing Extremism (LWE) hluarna district-ah hmun 100 chuangte an tel. Km 65,000-a thui all-weather road siam hi, a ṭul dan angin lei pawh dawh a ni tel dawn tih thuchhuah chuan a tarlang.

Heng hmunte tlawhpawhna tur siam rual hian, an hnaivaia zirna hmun, health, market leh growth centre awmte kal pawhna pawh siam nghal vek a ni ang.