'Mit thlawr' damdawi siamchhuah phalna ti tawp

Drug controller General of India (DCGI) chuan Nilaini khan Entod Pharmaceuticals siam mit thlawr, 'PresVu' chu siamchhuah leh hralh chhuah phalna chu a tihtawp sak.

PresVu mit thlawr (eye drop) hi mit fiah lo, Presbyopia nei ten tarmit vuah ngai loa an mit a lo fiah leh nghalna, damna thlen thei angin a siamtute hian an sawi a ni. Presbyopia-hi kum upa lamin an khaw hmuh lama harsatna an neih lar tak niin, a hnai an hmu fiah lo a, hei vang hian lehkha chhiar nan tarmit an mamawh a ni.

Sorkar chuan Entod Pharmaceuticals chu an mit thlawr siam chhuah a fak leh tih lar dan chuan mipuiteah a him tawk lohna rinna a tuh vang niin a sawi. "an thil siam tih lar nan hian OTC drug angin fakna siam mah se, an damdawi hmanah hian a thiamte chawh kher ngai chi damdawi a tel a ni," a ti.

Entod Pharmaceuticals chuan an puhna te hi an pha thung a, hralh phalna an tih tawp sakna chu court lama khin an tum thu an sawi. "Siam phalna nei tur hian Presbyopia nei mi 234 hnenah enchhinna neih a ni a, mit thlawr an hman hnu hian tarmit ngai loin Snellen chart-a additional line te pawh awlsam takin an chhiar thei a ni, " an ti. He mit thlawr an siamnaa an hman ang leh, a hman zat in ang chiah hi US FDA pawhin, US-ah pawh eng mah sawiselna awm loin kum thum an zuar chhuak tawh a ni, tiin an sawi.