Nehru kaihhruai sorkarin Bose chhungkua a enthla : Report

Prime Minister hlui, Jawaharlal Nehru-a kaihhruai sorkar khan chin hriat loha mak taka bo, Netaji Subhas Chandra Bose chhungte kha kum sawmhnih dawn a lo enthla nia tarlan a ni.

Mail Today-in a tarlan danin, National Archives-a Intelligence Bureau file pa­hnih hmuhchhuah aṭangin, kum 1948-1968 chhung khan Bose-a chhungte hi enthlak an ni, a ti.

Nehru hi India ram Prime Minister hmasa ber niin, kum 1947 aṭanga 1964 thleng­in he hna hi a chelh a ni.

Report-in a tarlan dan­in, IB hian Calcutta-a Bose chhungkaw in pa­hnih, Woodburn Park leh 38/2 Elgin Road amite chu enthlain, Nehru hnenah hian report an pe ṭhin. Agency hian Bose chhung­kaw member-te lehkha an thawn ṭhinte pawh copy-in, ramchhung leh pawn a an mi tlawhte pawh an chhui zui bawk. Mahse report-ah hian Bose chhungkua chhui an nihna chhan tak erawh tarlan a ni lo.