Muslim-te voting rights tihtawpsak tur a ni : Shiv Sena

Shiv Sena hruaitu leh Parliament member, Sanjay Raut chuan an party chanchinbu, Samna-ah Muslim-te vote thlak theihna chanvo pek chu titawp sak a duh thu sawiin, hei hian politics-a chibing/pawl bik vote hlawm ang chi tihtawpna atan a ngai a ni, a ti.

Sena hruaitu chuan All India Majlis-e-Ittehadul Muslimeen (AIMIM) hruaitu pahnih Asaduddin leh Akbaruddin Owaisi-te chu ram tana mi hlauhawm an ni tih a sawi bawk.

Raut chuan an pawl hotu hlui, Bal Thackeray pawh khan Muslim-te voting rights titawp a duh thu a lo sawi tawh niin a tarlang. "Owaisi-te unau hian Muslim vote zawngin politics an kalpui a, hei hi ram tan a him lo a ni," a ti.

AIMIM hotu, Asaduddin Owaisi-a'n Maharashtra-a Muslim puala reservation a phut chung­chang chu sawiselin, sakhaw thil vanga a thil phut tihhlawhtlin a duh a nih chuan Owaisi chu Pakistan-ah kalin a va phut mai tur a ni, a ti. Owaisi-a thusawite chu inhuatna chawk tho thei thil a ni tiin, Maharashtra Chief Minister Devendr Fadnavis kaihhruai sorkar chuan a lakah thubuai a thehlut tur a ni, a ti bawk.