PM Modi-a'n Vande Bharat rel paruk vailiam

Prime minister Narendra Modi chuan Pathianni Sept 15, 2024 khan Ranchi-ah Jharkhand, Odisha, Bihar leh UP-a Vande Bharat rel service tur chu virtual (online) hmangin a vailiam.

Prime Minister hi Tatanagar aṭanga rel vailiam tura duan ni mah se, khaw ṭha lo leh chhum tam avangin a chuanna tur helicopter a thlawk chhuak thei lo a, hei vang hian virtual-in a vai liam ta a ni. Union agricultural minister Shivraj Singh Chouhan leh governor Santosh Kumar Gangwar te chuan Tatanagar Station-ah hian hun an hman pui a ni.

PM Modi hian ni hnih chama Gujarat a tlawh chhung hian India rama a hmasa ber tur, Vande Metro service a hawng dawn bawk. He service hian sakhua thila henglai hmun tlawh - Deoghar, Jharkhand-a Baidyanath Dham; Varanasi, Uttar Pradesh-a Kashi Vishwanath temple leh Kolkata, West Bengal-a Belur Math tlawh turte tan veivah a tihawlsam phah dawn a ni. Dhanbad, Kolkata leh Durgapur-a industry-te pawhin an chhawr phah hle rin a ni bawk.