India ram knowledge economy-a siam turin kan bei mek : Prime Minister

Prime minister Narendra Modi chuan nimin khan video conference kaltlanga  Governors' Conference On National Education Policy neih chu hmanpuiin thu a sawi a, India ram chu knowledge econo­my-a siam turin an bei mek tih a sawi. 

Conference-ah hian state tina educa­ton minister, state university vice chan­cellor leh senior official-te an tel. PM Modi bakah president Ram Nath Kovind leh education minister Ramesh Pokhriyal Nishank-ten an hmanpui bawk. 

 PM Modi chuan National Education Policy 2020 chu kum nga liam ta aṭang ngaihtuah a nih tawh thu sawiin, he policy duan chhuah a nih theih nan mi nuai hnih chuangin an ngaihtuahnate an seng a ni, a ti. NEP 2020 chu international institutions' campus ni thei tura kawng hawng thei tu tur a nih thu te, he policy-ah chuan zirlaiin a thil zir hmanga thiamna tak tak a neih theihna lam ngaihtuah a nih dawn thu a sawi bawk. 

NEP 2020 chu sorkar laipuiin Aatmanir­bhar Bharat Abhiyan (Self-Reliant India Mission) tih hlawhtlin a tumna zing a mi a ni, tiin Modi chuan a sawi a ni.