VK Singh-a'n media hnenah thupha a chawi

Union Minister VK Singh chuan media mite a sawina atana 'presstitutes' a hman avanga political party hrang hrang leh media lamte'n nasa taka an sawisel hnuah, kar kalta Inrinni khan a ṭawngkam hman avang hian thupha a chawi.

VK Singh chuan press zawng zawng a sawina atana he ṭawngkam hi hmang a ni lo a, media mite zinga mi tlemte, amah sawichhiat tum hrim hrim leh ṭanlam nei tlata thil tite a sawina a nih thu a tarlang. Singh chuan media zinga 90% chuan an mawhphurhna ang takin an thawk niin a sawi.

Thuhpha a chawinaah, VK Singh chuan, "90% velte an rilru a lo nat phah avangin thupha ka chawi a ni. Ka ṭawngkam hman kha 10% ka sawina a ni a, khatianga sawi kha an phu reng a ni," a ti. Heng mi tlemte chungchang sawina ṭawngkam chhe tak dang pawh a la awm a ni tiin, 'baazaru' leh 'paid' tihte a sawilang bawk.