Naxal helte'n truck 18 an hal

Naxal helhoin Chhat­tisgarh-ah security force-te lambuna mi pasarih an kahhlum hnuah, nimin khan Chhattisgarh-ah vek iron ore phurtu truck 18 an hal leh.

Naxal helho hian nimin zing khan Kanker district-a Barbaspur iron ore mining site chu luhkhungin, hnathawkte an vau a, hemi hnu hian an motor-te hi an halsak ta niin Kanker Superintendent of Police Jitendera Singh Meena chuan a sawi. Motor an hal hnu hian helho hi ramhnuaiah an tlanchhe zui a ni.

Hetihlai hian Pathian­nia Special Task Force (STF) ambush a, sipai pasarih kaphlumtu, Naxal helte zawnchhuah tumin beihpui thlak chhunzawm zel a ni.